Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Vulgare amici nomen, sed rara est fides.
  2. Cum parvas aedes sibi fundasset Socrates,
  3. (Cuius non fugio mortem, si famam assequar,
  4. Et cedo invidiae, dummodo absolvar cinis),
  5. Ex populo sic nescio quis, ut fieri solet:
  6. Quaeso, tam angustam talis vir ponis domum?
  7. Utinam inquit veris hanc amicis impleam!.