Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Eunuchus litigabat cum quodam improbo,
- Qui super obscena dicta et petulans iurgium
- Damnum insectatus est amissi corporis.
- En ait hoc unum est, cur laborem validius,
- Integritatis testes quia desunt mihi.
- Sed quid fortunae, stulte, delictum arguis?
- Id demum est homini turpe, quod meruit pati.