Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Aquila in sublime sustulit testudinem.
  2. Quae cum abdidisset cornea corpus domo
  3. Nec ullo pacto laedi posset condita,
  4. Venit per auras cornix et propter volans:
  5. Opimam sane praedam rapuisti unguibus;
  6. Sed nisi monstraro quid sit faciendum tibi,
  7. Gravi nequiquam te lassabit pondere.
  8. Promissa parte suadet, ut scopulum super
  9. Altis ab astris duram illidat corticem,
  10. Qua comminuta facile vescatur cibo.
  11. Inducta verbis aquila, monitis paruit,
  12. Simul et magistrae large divisit dapem.
  13. Sic tuta quae naturae fuerat munere,
  14. Impar duabus occidit tristi nece.