Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Laceratus quidam morsu vehementis canis
  2. Tinctum cruore panem misit malefico,
  3. Audierat esse quod remedium vulneris.
  4. Tunc sic Aesopus: Noli coram pluribus
  5. Hoc facere canibus, ne nos vivos devorent,
  6. Cum scierint esse tale culpae praemium.
  7. Successus improborum plures allicit.