Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. A feminis utcumque spoliari viros,
  2. Ament, amentur, nempe exemplis discimus.
  3. Aetatis mediae quendam mulier non rudis
  4. Tenebat annos celans elegantia,
  5. Animosque eiusdem pulchra iuvenis ceperat.
  6. Ambae, videri dum volunt illi pares,
  7. Capillos homini legere coepere invicem.
  8. Qui se putaret fingi cura mulierum,
  9. Calvus repente factus est; nam funditus
  10. Canos puella, nigros anus evellerat.