Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Hoc illis dictum est, quibus honorem et gloriam
  2. Fortuna tribuit, sensum communem abstulit.
  1. Qui pretium meriti ab improbis desiderat,
  2. Bis peccat: primum quoniam indignos adiuvat;
  3. Impune abire deinde quia iam non potest.
  4. Os devoratum fauce cum haereret lupi,
  5. Magno dolore victus coepit singulos
  6. Illicere pretio, ut illud extraherent malum.
  7. Tandem persuasa est iure iurando gruis,
  8. Gulaeque credens colli longitudinem,
  9. Periculosam fecit medicinam lupo.