Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Itaque, aurum dum custodit oblitus cibi,
- Fame est consumptus; quem stans vulturius super
- Fertur locutus: O canis, merito iaces,
- Qui concupisti subito regales opes,
- Trivio conceptus, educatus stercore.
- Quamvis sublimes debent humiles metuere,
- Vindicta docili quia patet sollertiae.
- Vulpinos catulos aquila quondam sustulit
- Nidoque posuit pullis, escam ut carperent.
- Hanc persecuta mater orare incipit,
- Ne tantum miserae luctum importaret sibi.
- Contempsit illa, tuta quippe ipso loco.
- Vulpes ab ara rapuit ardentem facem