Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Sua quisque exempla debet aequo animo pati.
- Haec res avaris esse conveniens potest
- Et qui humiles nati dici locupletes student.
- Humana effodiens ossa thesaurum canis
- Invenit, et violarat quia Manes deos,
- Iniecta est illi divitiarum cupiditas,
- Poenas ut sanctae Religioni penderet.
- Itaque, aurum dum custodit oblitus cibi,
- Fame est consumptus; quem stans vulturius super
- Fertur locutus: O canis, merito iaces,
- Qui concupisti subito regales opes,
- Trivio conceptus, educatus stercore.