Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Noli vereri. At ille: Facerem mehercule,
- Nisi esse scirem carnis te cupidum meae.
- Nulli nocendum: si quis vero laeserit,
- Multandum simili iure fabella admonet.
- Vulpes ad cenam dicitur ciconiam
- Prior invitasse et illi in patina liquidam
- Posuisse sorbitionem, quam nullo modo
- Gustare esuriens potuerit ciconia.