Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Corium depressum in fluvio viderunt canes.
  2. Id ut comesse extractum possent facilius,
  3. Aquam coepere ebibere: sed rupti prius
  4. Periere quam quod petierant contingerent.
  1. Quicumque amisit dignitatem pristinam,
  2. Ignavis etiam iocus est in casu gravi.
  3. Defectus annis et desertus viribus