Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Stultum consilium non modo effectu caret,
  2. Sed ad perniciem quoque mortalis devocat.
  3. Corium depressum in fluvio viderunt canes.
  4. Id ut comesse extractum possent facilius,
  5. Aquam coepere ebibere: sed rupti prius
  6. Periere quam quod petierant contingerent.