Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Nemo libenter recolit qui laesit locum.
  2. Instante partu mulier actis mensibus
  3. Humi iacebat flebilis gemitus ciens.
  4. Vir est hortatus, corpus lecto reciperet,
  5. Onus naturae melius quo deponeret.
  6. Minime, inquit, illo posse confido loco
  7. Malum finiri, quo conceptum est initio.