Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Ignotos fallit, notis est derisui.
  2. Venari asello comite cum vellet leo,
  3. Contexit illum frutice et admonuit simul,
  4. Ut insueta voce terreret feras,
  5. Fugientes ipse exciperet. Hic auritulus
  6. Clamorem subito totis tollit viribus
  7. Novoque turbat bestias miraculo.
  8. Quae dum paventes exitus notos petunt,
  9. Leonis affliguntur horrendo impetu.
  10. Qui postquam caede fessus est, asinum evocat
  11. Iubetque vocem premere. Tunc ille insolens:
  12. Qualis videtur opera tibi vocis meae?
  13. Insignis inquit sic ut, nisi nossem tuum
  14. Animum genusque, simili fugissem metu.
  1. Laudatis utiliora quae contempseris
  2. Saepe inveniri haec asserit narratio.