Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Lupus arguebat vulpem furti crimine;
  2. Negabat illa se esse culpae proximam.
  3. Tunc iudex inter illos sedit simius.
  4. Uterque causam cum perorassent suam,
  5. Dixisse fertur simius sententiam:
  6. Tu non videris perdidisse quod petis;
  7. Te credo surripuisse quod pulchre negas.