Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Haec propter illos scripta est homines fabula,
  2. Qui fictis causis innocentes opprimunt.
  1. Athenae cum florerent aequis legibus,
  2. Procax libertas civitatem miscuit
  3. Frenumque solvit pristinum licentia.
  4. Hic conspiratis factionum partibus
  5. Arcem tyrannus occupat Pisistratus.
  6. Cum tristem servitutem flerent Attici,
  7. (Non quia crudelis ille, sed quoniam gravis
  8. Omnino insuetis), onus et coepissent queri,
  9. Aesopus talem tum fabellam rettulit.