Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- Admovit iam bruma foco te, Basse, Sabino?
- iamne lyra et tetrico vivunt tibi pectine chordae?
- mire opifex numeris veterum primordia vocum
- atque marem strepitum fidis intendisse Latinae,
- mox iuvenes agitare iocos et pollice honesto
- egregius [*]() lusisse senex.[*]() mihi nune Ligus ora
- intepet hibernatque [*]() meum mare, qua latus ingens
- dant scopuli et multa litus se valle receptat.
- Lunai portum, est operae, cognoscite, cives:
- cor iubet hoc Enni, postquam destertuit esse
- Maeonides, quintus pavone ex Pythagoreo.