Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- dispositae pinguem nebulam vomuere lucernae
- portantes violas rubrumque amplexa catinum [*](accessor a: accersor L.)[*](exieris L1.)
- cauda natat thynni, tumet alba fidelia vino,
- labra moves tacitus recutitaque sabbata palles.
- tum nigri lemures ovoque pericula rupto,
- tum grandes galli et cum sistro lusca sacerdos
- incussere deos inflantis corpora, si non
- praedictum ter mane caput gustaveris alii.
- Dixeris haec inter varicosos centuriones,
- continuo crassum ridet Pulfenius ingens
- et centum Graecos curto centusse licetur.
p.388
p.392
- Admovit iam bruma foco te, Basse, Sabino?
- iamne lyra et tetrico vivunt tibi pectine chordae?
- mire opifex numeris veterum primordia vocum
- atque marem strepitum fidis intendisse Latinae,
- mox iuvenes agitare iocos et pollice honesto
- egregius [*]() lusisse senex.[*]() mihi nune Ligus ora
- intepet hibernatque [*]() meum mare, qua latus ingens
- dant scopuli et multa litus se valle receptat.
- Lunai portum, est operae, cognoscite, cives: