Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- ocius ad navem! nihil obstat quin trabe vasta
- Aegaeum rapias, ni sollers Luxuria ante
- seductum moneat: quo deinde, insane, ruis, quo?
- quid tibi vis? calido sub pectore mascula bilis [*](ef: et PaL; and so Housm.)[*](baro P1a: varo P2A2L.)
- intumuit, quam non extinxerit urna cicutae?
- tu mare transilias? tibi torta cannabe fulto
- cena sit in transtro Veientanumque rubellum
- exhalet [*]() vapida laesum pice sessilis obba?
- quid petis? ut nummi, quos hic quincunce modesto
- nutrieras, peragant [*]() avidos sudore deunces?
- indulge genio, carpamns dulcia, nostrum est
- quod vivis, cinis et manes et fabula fies.
- vive memor leti, fugit hora, hoc quod loquor inde est.
- En quid agis? duplici in diversum scindens hamo.
- huncine an hunc sequeris? subeas alternus oportet
- ancipiti obsequio dominos, alternus oberres.
- nec tu cum obstiteris semel instantique negaris
- parere imperio, rupi iam vincula dicas;
- nam et luctata canis nodum abripit, at tamen illi,
- cum fugit, a collo trahitur pars longa catenae.
p.384