Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- maiestate manus, quid deinde loquere? Quirites,
- hoc puta [*]() non iustum est; illud male,rectius illud.
- scis etenim iustum gemina suspendere lance
- ancipitis librae, rectum discernis ubi inter
- curva subit vel cum fallit pede regula varo,
- et potis es nigrum vitio praefigere theta.
- quin tu igitur, summa nequiquam pelle decorus,
- ante diem blando caudam iactare popello
- desinis, Anticyras melior sorbere meracas? [*](puto P2A2L.)
- Quae tibi summa boni est? uncta vixisse patella
- semper et adsiduo curata cuticula sole?
- expecta, haut aliud respondeat haec anus. i nunc,
- Dinomaches ego sum, suffla, sum candidus. esto,
- dum ne deterius sapiat pannucia Baucis,
- cum bene discincto cantavcrit ocima vernae.
- Vt nemo in sese temptat descendere, nemo,
- sed praecedenti [*]() spectatur mantica tergo!
- quaesieris nostin Vettidi praedia? cuius?
- dives arat Curibus quantum non miluus errat.
- hunc ais, hunc dis iratis genioque sinistro,
p.360