Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Quae tibi summa boni est? uncta vixisse patella
  2. semper et adsiduo curata cuticula sole?
  3. expecta, haut aliud respondeat haec anus. i nunc,
  4. Dinomaches ego sum, suffla, sum candidus. esto,
  5. dum ne deterius sapiat pannucia Baucis,
  6. cum bene discincto cantavcrit ocima vernae.
  7. Vt nemo in sese temptat descendere, nemo,
  8. sed praecedenti [*]() spectatur mantica tergo!
  9. quaesieris nostin Vettidi praedia? cuius?
  10. dives arat Curibus quantum non miluus errat.
  11. hunc ais, hunc dis iratis genioque sinistro,
  12. qui, quandoque iugum perfusa ad compita figit,