Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. excutit e manibus, dentes crepuere refecti,
  2. uncta cadunt laxis tunc pulmentaria labris.
  3. hinc tuba, candelae, tandemque beatulus alto
    4. [*](rogavit P: rogabit P2: rogabis aL.)[*](trientalf.)
    p.354
  4. conpositus lecto crassisque lutatus amomis
  5. in portam rigidas calces extendit, at illum
  6. hesterni capite induto subiere Quirites.
  7. Tange, miser, venas et pone in pectore dextram,
  8. nil calet hic. summosque pedes attinge manusque:
  9. non frigent. visa est si forte pecunia sive
  10. candida vicini subrisit molle puella,
  11. cor tibi rite salit? positum est algente catino
  12. durum olus et populi cribro decussa farina:
  13. temptemus fauces; tenero latet ulcus in ore
  14. putre, quod haut deceat plebeia radere beta.
  15. alges, cum excussit membris timor albus aristas;
  16. nunc face supposita fervescit sanguis et ira
  17. scintillant oculi, dicisque facisque quod ipse
  18. non sani esse hominis non sanus iuret Orestes.
p.358
  1. Rem populi tractas? barbatum haec crede
  2. magistrum dicere, sorbitio tollit quem dira cicutae.