Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. mane caput bis terque et noctem flumine purgas?
    2. [*](libavit P.)[*](namque est P2: nam est P1: nam et est aL.)[*](ducitur Servius ap. Virg. Geo. iv. 256; vulgo conditur.)
    p.336
  2. Heus age, responde (minimum est quod scire laboro):
  3. de Iove quid sentis? estne ut praeponere cures
  4. hunc—cuinam? cuinam? vis Staio? an scilicet haeres?
  5. quis potior iudex puerisve quis aptior orbis?
  6. hoc igitur, quo tu Iovis aurem impellere temptas,
  7. dic agedum Staio: pro Iuppiter! o bone, clamet,
  8. Iuppiter! at sese non clamet Iuppiter ipse?
  9. ignovisse putas, quia, cum tonat, ocius ilex
  10. sulpure discutitur sacro quam tuque domusque?
  11. an quia non fibris ovium Ergennaque iubente
  12. triste iaces lucis evitandumque bidental,
  13. idcirco stolidam praebet tibi vellere barbam
  14. Iuppiter? aut quidnam est qua tu mercede deorum
  15. emeris auriculas? pulmone et lactibus unctis?
  16. Ecce avia aut metuens divum matertera cunis
  17. exemit puerum, frontemque atque uda labella
  18. infami digito et lustralibus ante salivis
  19. expiat, urentis oculos inhibere petita;
  20. tunc manibus quatit et spem macram supplice voto