Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. venerit in linguas, unde istud dedecus, in quo
  2. trossulus exultat tibi per subsellia levis?
  3. Nilne pudet capiti non posse pericula cano
  4. pellere, quin tepidum hoc optes audire decenter?
  5. fur es, ait Pedio. Pedius quid? crimina vasis
  6. librat in antithetis, doctas posuisse figuras
  7. laudatur: bellum hoc. hoc bellum? an, Romule, ceves?
  8. men moveat? quippe et, cantet si naufragus, assem
  9. protulerim? cantas, cum fracta te in trabe pictum
  10. ex umero portes? verum, nec nocte paratum,
  11. plorabit qui me volet incurvasse querella.
  12. Sed numeris decor est et iunctura addita crudis.
    13. [*](cum P1: quem EaP2L.)
    p.326
  13. claudere sic versum didicit Berecyntia Attis
  14. et qui caeruleum dirimebat Nerea delphin;
  15. sic costam longo subduximus Appennino.
  16. arma virum! nonne hoc spumosum et cortice pingui,
  17. ut ramale vetus vegrandi subere coctum?
  18. quidnam igitur tenerum et laxa cervice legendum?
  19. torva Mimalloneis implerunt cornua bombis,
  20. et raptum vitulo caput ablatura superbo