Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. quique canit domito Camerinus ab Hectore Troiam;
  2. quique sua nomen Phyllide Tuscus habet;
  3. velivolique maris vates, cui credere posses
  4. carmina caeruleos composuisse deos
  5. quique acies Libycas Romanaque proelia dixit;
  6. et Marius scripti dexter in omne genus;
  7. Trinacriusque suae Perseidos auctor, et auctor
  8. Tantalidae reducis Tyndaridosque Lupus;
  9. et qui Maeoniam Phaeacida [*](ecateida vel aeacida) vertit, et une [*](uni vel una)
  10. Pindaricae fidicen tu quoque, Rufe, lyrae;
  11. Musaque Turrani tragicis innixa cothurnis;
  12. et tua cum socco Musa, Melisse, levi [*](levis);
  13. cum Varius Graccusque darent fera dicta tyrannis,
  14. Callimachi Proculus molle teneret iter,
  15. Tityron antiquas Passerque rediret [*](Passerque rediret et erat qui pasceret herbas) ad herbas
  16. aptaque venanti Grattius arma daret,
  17. Naïdas a Satyris caneret Fontanus amatas,
  18. clauderet imparibus verba Capella modis;
  19. cumque forent alii, quorum mihi cuncta referre
  20. nomina longa mora est, carmina vulgus habet ;