Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- ne tamen Ausoniae perdam commercia linguae,
- et fiat patrio vox mea muta sono,
- ipse loquor mecum desuetaque verba retracto,
- et studii repeto signa sinistra mei.
- sic animum tempusque traho, sic meque [*](me sicque vel mecumque corr. σ ) reduco
- a contemplatu summoveoque mali.
- carminibus quaero miserarum oblivia rerum:
- praemia si studio consequar ista, sat est.