Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. et veniam pro laude peto, laudatus abunde,
  2. non fastiditus si tibi, lector, ero.
  3. hos quoque sex versus, in prima [*](prima primi Heinsius) fronte libelli
  4. si praeponendos esse putabis, habe.’
  5. orba parente suo quicumque volumina tangis,
  6. his saltem vestra detur in urbe locus.
  7. quoque magis faveas, haec non sunt edita ab ipso,
  8. sed quasi de domini funere rapta sui.
  9. quicquid in his igitur vitii rude carmen habebit,
  10. emendaturus, si licuisset, eram.