Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Incubuit Boreas abreptaque vela tetendit,
  2. Iamque meus longe Protesilaus erat.
  3. Dum potui spectare virum, spectare iuvabat,
  4. Sumque tuos oculos usque secuta meis;
  5. Ut te non poteram, poteram tua vela videre,
  6. Vela diu vultus detinuere meos.
  7. At postquam nec te nec vela fugacia vidi,
  8. Et quod spectarem nil nisi pontus erat,
  9. Lux quoque tecum abiit, tenebrisque exanguis obortis
  10. Succiduo dicor procubuisse genu.
  11. Vix socer Iphiclus, vix me grandaevus Acastus,
  12. Vix mater gelida maesta refecit aqua;
  13. Officium fecere pium, sed inutile nobis.
  14. Indignor miserae non licuisse mori!