Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Quis fuit inter nos sociati corporis index?
  2. Sensit concubitus unde Corinna tuos?
  3. Num tamen erubui? num, verbo lapsus in ullo,
  4. Furtivae Veneris conscia signa dedi?
  5. Quid, quod in ancilla siquis delinquere possit,
  6. Illum ego contendi mente carere bona?
  7. Thessalus ancillae facie Briseidos arsit;
  8. Serva Mycenaeo Phoebas amata duci.