Civil War

Lucan

Lucan. M.Annaei Lucani Pharsaliae Libri X. Weisse, Karl Hermann, editor. Leipzig: G. Bassus, 1835.

  1. Regnorum Boreaque iacet. Dic semper ab armis
  2. Civilem repetisse togam: ter curribus actis
  3. Contentum patriae multos donasse triumphos.
  4. Quis capit haec tumulus? Surgit miserabile bustum
  5. Non ullis plenum titulis, non ordine tanto
  6. Fastorum: solitumque legi super alta deorum
  7. Culmina, et exstructos spoliis hostilibus arcus,
  8. Haud procul est ima Pompeii nomen arena,
  9. Depressum tumulo, quod non legat advena rectus,
  10. Quod, nisi monstratum, Romanus transeat hospes.
  11. Noxia civili tellus Aegyptia fato,
  12. Haud equidem immerito Cumanae carmine vatis
  13. Cautum, ne Nili Pelusia tangeret ora
  14. Hesperius miles, ripasque aestate tumentes.
  15. Quid tibi saeva precer pro tanto crimine tellus?
  16. Vertat aquas Nilus, quo nascitur orbe, retentus,
  17. Et steriles egeant hibernis imbribus agri,
  18. Totaque in Aethiopum putres solvaris arenas.
  19. Nos in templa tuam Romana accepimus Isin,
  20. Semicanesque deos, et sistra iubentia luctus,