Ab urbe condita

ad quaerendam opprimendamque M’. Acilius Glabrio praetor, cui inter civis peregrinosque iurisdictio obtigerat, cum una ex duabus legione urbana est missus, alios * * alios iam congregatos pugnando vicit;

ex his multi occisi, multi capti; alios verberatos crucibus adfixit, qui principes fuerant, alios dominis restituit.

consules in provincias profecti sunt. Marcellum Boiorum ingressum finis fatigato per diem totum milite via facienda castra in tumulo quodam ponentem Corolamus quidam, regulus Boiorum, cum magna

et illustres viri aliquot in illo tumultuario proelio ceciderunt inter quos praefecti socium T. Sempronius Gracchus et M. Iunius Silanus et tribuni militum de legione secunda M. Ogulnius et P. Claudius.

castra ab Romanis inpigre permunita retentaque, cum hostes prospera pugna elati nequiquam oppugnassent.

stativis deinde iisdem per dies aliquot sese tenuit, dum et saucios curaret et a tanto terrore animos reficeret.

Boi, ut est gens minime ad morae taedium ferendum patiens, in castella sua vicosque passim dilapsi sunt.

Marcellus Pado confestim traiecto in Comensem, ubi Insubres Comensibus ad arma excitis castra habebant, legiones ducit. Galli, feroces Boiorum ante dies paucos pugna, in ipso itinere proelium committunt; et primo adeo acriter invaserunt,