Epistulae
Horace
Horace, Satires, Epistles and Ars Poetica. Fairclough, H. Rushton (Henry Rushton), editor. London: William Heinemann Ltd.; Cambridge, MA: Harvard University Press, 1929.
- talibus officiis prope mancum, ne mea saevus
- iurgares ad te quod epistula nulla rediret.[*]()
- quid tum profeci, mecum facientia iura
- si tamen attemptas? quereris super hoc etiam, quod
- exspectata tibi non mittam carmina mendax.
- Luculli miles collecta viatica multis
- aerumnis, lassus dum noctu stertit, ad assem
- perdiderat: post hoc vehemens lupus, et sibi et hosti
- iratus pariter, ieiunis dentibus acer,
- praesidium regale loco deiecit, ut aiunt,