Satires
Horace
Horace. The Works of Horace. Vol. II. Smart, Christopher, editor. Philadelphia: J. Whetham, 1836.
- tollis ad astra levis. si nusquam es forte vocatus
- ad cenam, laudas securum holus ac, velut usquam
- vinctus eas, ita te felicem dicis amasque,
- quod nusquam tibi sit potandum. iusserit ad se
- Maecenas serum sub lumina prima venire
- convivam: “nemon’ oleum fert ocius? ecquis
- audit?” cum magno blateras clamore fugisque.
- Mulvius et scurrae, tibi non referenda precati,
- discedunt. “etenim fateor me” dixerit ille
- “duci ventre levem, nasum nidore supinor,
- inbecillus, iners, siquid vis, adde, popino.
- tu cum sis quod ego et fortassis nequior, ultro
- insectere velut melior verbisque decoris
- obvolvas vitium?” quid, si me stultior ipso
- quingentis empto drachmis deprenderis? aufer
- me voltu terrere; manum stomachumque teneto,
- dum quae Crispini docuit me ianitor edo.
- te coniunx aliena capit, meretricula Davum: