Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. belli ferratos postis portasque refregit’,
  2. invenias etiam disiecti membra poetae.
  3. hactenus haec: alias, iustum sit necne poema.
  4. nunc illud tantum quaeram, meritone tibi sit
  5. suspectum genus hoc scribendi. Sulcius acer
  6. ambulat et Caprius, rauci male cumque libellis,
  7. magnus uterque timor latronibus; at bene siquis
  8. et vivat puris manibus, contemnat utrumque.
  9. ut sis tu similis Coeli Birrique latronum,
  10. non ego sim Capri neque Sulci: cur metuas me?
  11. nulla taberna meos habeat neque pila libellos,
  12. quis manus insudet volgi Hermogenisque Tigelli,
  13. nec recito cuiquam nisi amicis idque coactus,
  14. non ubivis coramve quibuslibet. in medio qui
  15. scripta foro recitent, sunt multi quique lavantes:
  16. suave locus voci resonat conclusus. inanis
  17. hoc iuvat, haud illud quaerentis, num sine sensu,
  18. tempore num faciant alieno. ‘laedere gaudes’
  19. inquit ‘et hoc studio pravus facis.’ unde petitum
  20. hoc in me iacis? est auctor quis denique eorum,