Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. pocula? num esuriens fastidis omnia praeter
  2. pavonem rhombumque? tument tibi cum inguina, num, si
  3. ancilla aut verna est praesto puer, impetus in quem
  4. continuo fiat. malis tentigine rumpi?
  5. non ego; namque parabilem amo Venerem facilemque.
  6. illam ‘post paulo’ ‘sed pluris’ ‘si exierit vir’
  7. gallis, hanc Philodemus ait sibi, quae neque magno
  8. stet pretio neque cunctetur cum est iussa venire.
  9. candida rectaque sit, munda hactenus, ut neque longa
  10. nec magis alba velit quam dat natura videri.
  11. haec ubi supposuit dextro corpus mihi laevom,
  12. Ilia et Egeria est; do nomen quodlibet illi.
  13. nec vereor, ne, dum futuo, vir rure recurrat,
  14. ianua frangatur, latret canis, undique magno
  15. pulsa domus strepitu resonet, vepallida lecto
  16. desiliat mulier, miseram se conscia clamet,
  17. cruribus haec metuat, doti deprensa, egomet mi.
  18. discincta tunica fugiendum est et pede nudo,
  19. ne nummi pereant aut puga aut denique fama.
  20. deprendi miserum est: Fabio vel iudice vincam.