Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. hostiliumque navium portu latent
  2. puppes sinistrorsum citae.
  3. io Triumphe, tu moraris aureos
  4. currus et intactas boves?
  5. io Triumphe, nec Iugurthino parem
  6. bello reportasti ducem
  7. neque Africanum, cui super Karthaginem
  8. virtus Sepulcrum condidit.
  9. terra marique victus hostis Punico
  10. lugubre mutavit sagum.
  11. aut ille centum nobilem Cretam urbibus
  12. ventis iturus non suis
  13. exercitatas aut petit Syrtis noto
  14. aut fertur incerto mari.
  15. capaciores adfer huc, puer, Scyphos
  16. et Chia vina aut Lesbia
  17. vel quod fluentem nauseam coerceat
  18. metire nobis Caecubum.
  19. curam metumque Caesaris rerum iuvat
  20. dulci Lyaeo solvere.