Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. forumque vitat et superba civium
  2. potentiorum limina.
  3. ergo aut adulta vitium propagine
  4. altas maritat populos
  5. aut in reducta valle mugientium
  6. prospectat errantis greges
  7. inutilisque falce ramos amputans
  8. feliciores inserit
  9. aut pressa puris mella condit amphoris
  10. aut tondet infirmas ovis.
  11. vel cum decorum mitibus pomis caput
  12. Autumnus agris extulit,
  13. ut gaudet insitiva decerpens pira
  14. certantem et uvam purpurae,
  15. qua muneretur te, Priape, et te, pater
  16. Silvane, tutor finium.
  17. libet iacere modo sub antiqua ilice,
  18. modo in tenaci gramine:
  19. labuntur altis interim ripis aquae,
  20. queruntur in Silvis aves