Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. saetosa duris exuere pellibus
  2. laboriosi remiges Vlixei
  3. volente Circa membra; tunc mens et sonus
  4. relapsus atque notus in voltus honor.
  5. dedi satis superque poenarum tibi,
  6. amata nautis multum et institoribus.
  7. fugit iuventas et verecundus color
  8. reliquit ossa pelle amicta lurida,
  9. tuis capillus albus est odoribus,
  10. nullum a labore me reclinat otium;
  11. urget diem nox et dies noctem neque est
  12. levare tenta spiritu praecordia.
  13. ergo negatum vincor ut credam miser,
  14. Sabella pectus increpare carmina
  15. caputque Marsa dissilire nenia.
  16. quid amplius vis? o mare et terra, ardeo,
  17. quantum neque atro delibutus Hercules
  18. Nessi cruore nec Sicana fervida
  19. virens in Aetna flamma; tu, donec cinis
  20. iniuriosis aridus ventis ferar,