Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. indomitam properat rabiem sedare, neque illi
  2. iam manet umida creta colorque
  3. stercore fucatus crocodili iamque Subando
  4. tenta cubilia tectaque rumpit.
  5. vel mea cum saevis agitat fastidia verbis:
  6. “Inachia langues minus ac me;
  7. Inachiam ter nocte potes, mihi Semper ad unum
  8. mollis opus. pereat male quae te
  9. Lesbia quaerenti taurum monstravit inertem.
  10. cum mihi Cous adesset Amyntas,
  11. cuius in indomito constantior inguine nervos
  12. quam nova collibus arbor inhaeret.
  13. muricibus Tyriis iteratae vellera lanae
  14. cui properabantur? tibi nempe,
  15. ne foret aequalis inter conviva, magis quem
  16. diligeret mulier sua quam te.
  17. o ego non felix, quam tu fugis, ut pavet acris
  18. agna lupos capreaeque leones!”