Historiarum Alexandri Magni
Curtius Rufus, Quintus
Curtius Rufus, Quintus, creator; Hedicke, Edmund, editor
Sed ne otium serendis rumoribus natum aleret, in Indiam movit, semper bello quam post victoriam clarior.
India tota ferme spectat orientem, minus in latitudinem,
quam recta regione spatiosa. Quae austrum accipiunt, in altius terrae fastigium excedunt: plana
p.283
sunt cetera multisque inclitis amnibus Caucaso monte ortis placidum per campos iter praebent.