Res Rustica
Columella, Lucius Junius Moderatus
Columella. On agriculture, Volume 1-2. Ash, Harrison Boyd; Foster, Edward Seymour; Heffner, Edward H., editors. Cambridge, MA; London: Harvard University Press; William Heinemann, Ltd., 1941.
Post haec diductis malis educito linguam, totumque os et[*]()palatum sale defricato, libralesque offas in praesulsae adipis liquamine tinctas in gulam [*]()demittito, ac vini singulos sextarios per cornu faucibus infundito: nam per haec blandimenta triduo fere mansucscunt, iugumque quarto die accipiunt, cui ramus illigatus temonis vice traicitur: interdum et pondus aliquod iniungitur, ut maiore nisu laboris exploretur patientia.
Post eiusmodi experimenta vacuo plaustrum subiungendi, et paulatim longius cum oneribus producendi sunt. Sic perdomiti mox ad aratrum instituantur, sed in subacto agro, ne statim difficultatem operis reformident, neve adhuc tenera colla dura proscissione terrae contundant.[*]()Quemadmodum autem bubulcus in arando bovem instituat, primo praecepi volumine. Curandum [*]()ne in domitura bos calce aut cornu quemquam contingat. Nam nisi haec caventur, nunquam eiusmodi vitia quamvis subacto [*]()eximi poterunt.
Verum ista sic agenda praecipimus, si veteranum [*]()pecus non aderit; alioqui[*]()expeditior tutiorque ratio [*](os et Lundström ex cit. Pallada: eo sed S: eo sub AB. ) [*](gulam Palladius: singula SAR. ) [*](contundunt Ald.: condant SAR. ) [*](Curanda SAa: Curandum c. ) [*](subacta SAR. ) [*](veranum SA. ) [*](alioqui Lundström: adeoque SAR. a Which it must become used to later. b These instructions occur in Book II. 2. 22 ff. )