Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. auxilium adventumque dei. Nam maximus ultor,
  2. tergemini nece Geryonae spoliisque superbus
  3. Alcides aderat taurosque hac victor agebat
  4. ingentis, vallemque boves amnemque tenebant.
  5. At furiis Caci mens effera, nequid inausum
  6. aut intractatum scelerisve dolive fuisset,
  7. quattuor a stabulis praestanti corpore tauros
  8. avertit, totidem forma superante iuvencas;
  9. atque hos, nequa forent pedibus vestigia rectis,
  10. cauda in speluncam tractos versisque viarum
  11. indiciis raptos saxo occultabat opaco:
  12. quaerenti nulla ad speluncam signa ferebant.
  13. Interea, cum iam stabulis saturata moveret
  14. Amphytrioniades armenta abitumque pararet,
  15. discessu mugire boves atque omne querelis
  16. impleri nemus et colles clamore relinqui.
  17. reddidit una boum vocem vastoque sub antro
  18. mugiit et Caci spem custodita fefellit.
  19. Hic vero Alcidae furiis exarserat atro
  20. felle dolor: rapit arma manu nodisque gravatum