Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. idem Atlas generat, caeli qui sidera tollit.
  2. Sic genus amborum scindit se sanguine ab uno.
  3. His fretus non legatos neque prima per artem
  4. temptamenta tui pepigi: me, me ipse meumque
  5. obieci caput et supplex ad limina veni.
  6. Gens eadem, quae te, crudeli Daunia bello
  7. insequitur; nos si pellant, nihil afore credunt,
  8. quin omnem Hesperiam penitus sua sub iuga mittant
  9. et mare quod supra teneant quodque adluit infra.
  10. Accipe daque fidem: sunt nobis fortia bello
  11. pectora, sunt animi et rebus spectata iuventus.
  12. Dixerat Aeneas. Ille os oculosque loquentis
  13. iamdudum et totum lustrabat lumine corpus.
  14. Tum sic pauca refert: Ut te, fortissime Teucrum,
  15. accipio agnoscoque libens! Ut verba parentis
  16. et vocem Anchisae magni voltumque recordor!
  17. Nam memini Hesionae visentem regna sororis
  18. Laomedontiaden Priamum, Salamina petentem,
  19. protinus Arcadiae gelidos invisere finis.
  20. Tum mihi prima genas vestibat flore iuventas,