Aeneid
Virgil
Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.
- caeca regens filo vestigia. Tu quoque magnam
- partem opere in tanto, sineret dolor, Icare, haberes.
- Bis conatus erat casus effingere in auro;
- bis patriae cecidere manus. Quin protinus omnia
- perlegerent oculis, ni iam praemissus Achates
- adforet, atque una Phoebi Triviaeque sacerdos,
- Deiphobe Glauci, fatur quae talia regi:
- Non hoc ista sibi tempus spectacula poscit;
- nunc grege de intacto septem mactare iuvencos
- praestiterit, totidem lectas de more bidentes.
- Talibus adfata Aenean (nec sacra morantur
- iussa viri), Teucros vocat alta in templa sacerdos.
- Excisum Euboicae latus ingens rupis in antrum,
- quo lati ducunt aditus centum, ostia centum;
- unde ruunt totidem voces, responsa Sibyllae.
- Ventum erat ad limen, cum virgo. Poscere fata
- tempus ait; deus, ecce, deus! Cui talia fanti
- ante fores subito non voltus, non color unus,
- non comptae mansere comae; sed pectus anhelum,
- et rabie fera corda tument; maiorque videri,