Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Aenean credam quid enim fallacibus auris
  2. et caelo, totiens deceptus fraude sereni?
  3. Talia dicta dabat, clavumque affixus et haerens
  4. nusquam amittebat, oculosque sub astra tenebat.
  5. Ecce deus ramum Lethaeo rore madentem,
  6. vique soporatum Stygia, super utraque quassat
  7. tempora, cunctantique natantia lumina solvit.
  8. Vix primos inopina quies laxaverat artus,
  9. et super incumbens cum puppis parte revolsa,
  10. cumque gubernaclo, liquidas proiecit in undas
  11. praecipitem ac socios nequiquam saepe vocantem;