Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. obsidet, atque imo barathri ter gurgite vastos
  2. sorbet in abruptum fluctus, rursusque sub auras
  3. erigit alternos et sidera verberat unda.
  4. At Scyllam caecis cohibet spelunca latebris,
  5. ora exsertantem et navis in saxa trahentem.
  6. Prima hominis facies et pulchro pectore virgo
  7. pube tenus, postrema immani corpore pristis,
  8. delphinum caudas utero commissa luporum.
  9. Praestat Trinacrii metas lustrare Pachyni
  10. cessantem, longos et circumflectere cursus,
  11. quam semel informem vasto vidisse sub antro
  12. Scyllam, et caeruleis canibus resonantia saxa.
  13. Praeterea, si qua est Heleno prudentia, vati
  14. si qua fides, animum si veris implet Apollo,
  15. unum illud tibi, nate dea, proque omnibus unum
  16. praedicam, et repetens iterumque iterumque monebo:
  17. Iunonis magnae primum prece numen adora;
  18. Iunoni cane vota libens, dominamque potentem
  19. supplicibus supera donis: sic denique victor
  20. Trinacria finis Italos mittere relicta.