Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. moenia prima loco, fatis ingressus iniquis,
  2. Aeneadasque meo nomen de nomine fingo.
  3. Sacra Dionaeae matri divisque ferebam
  4. auspicibus coeptorum operum, superoque nitentem
  5. caelicolum regi mactabam in litore taurum.
  6. Forte fuit iuxta tumulus, quo cornea summo
  7. virgulta et densis hastilibus horrida myrtus.
  8. Accessi, viridemque ab humo convellere silvam
  9. conatus, ramis tegerem ut frondentibus aras,
  10. horrendum et dictu video mirabile monstrum.
  11. Nam, quae prima solo ruptis radicibus arbos
  12. vellitur, huic atro liquuntur sanguine guttae,
  13. et terram tabo maculant. Mihi frigidus horror
  14. membra quatit, gelidusque coit formidine sanguis.
  15. Rursus et alterius lentum convellere vimen
  16. insequor, et causas penitus temptare latentis:
  17. ater et alterius sequitur de cortice sanguis.
  18. Multa movens animo nymphas venerabar agrestis
  19. Gradivumque patrem, Geticis qui praesidet arvis,
  20. rite secundarent visus omenque levarent.