Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Namque diu luctans lentoque in stirpe moratus
  2. viribus haud ullis valuit discludere morsus
  3. roboris Aeneas. Dum nititur acer et instat,
  4. rursus in aurigae faciem mutata Metisci
  5. procurrit fratrique ensem dea Daunia reddit.
  6. Quod Venus audaci nymphae indignata licere
  7. adcessit telumque alta ab radice revellit.
  8. Olli sublimes armis animisque refecti,
  9. hic gladio fidens, hic acer et arduus hasta,
  10. adsistunt contra certamina Martis anheli.
  11. Iunonem interea rex omnipotentis Olympi
  12. adloquitur fulva pugnas de nube tuentem:
  13. Qua iam finis erit, coniunx? Quid denique restat?
  14. Indigetem Aenean scis ipsa et scire fateris
  15. deberi caelo fatisque ad sidera tolli.
  16. Quid struis, aut qua spe gelidis in nubibus haeres?
  17. Mortalin decuit violari volnere divom,
  18. aut ensem (quid enim sine te Iuturna valeret?)
  19. ereptum reddi Turno et vim crescere victis?
  20. Desine iam tandem precibusque inflectere nostris,