Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. haeserat Euandro atque Itala consederat urbe.
  2. Sternitur infelix alieno volnere caelumque
  3. aspicit et dulcis moriens reminiscitur Argos
  4. tum pius Aeneas hastam iacit: illa per orbem
  5. aere cavum triplici, per linea terga tribusque
  6. transit intextum tauris opus imaque sedit
  7. inguine, sed viris haud pertulit. Ocius ensem
  8. Aeneas, viso Tyrrheni sanguine laetus,
  9. eripit a femine et trepidanti fervidus instat.
  10. Ingemuit cari graviter genitoris amore,
  11. ut vidit, Lausus, lacrimaeque per ora volutae.
  12. Hic mortis durae casum tuaque optima facta,
  13. siqua fidem tanto est operi latura vetustas,
  14. non equidem nec te, iuvenis memorande, silebo.
  15. Ille pedem referens et inutilis inque ligatus
  16. cedebat clipeoque inimicum hastile trahebat:
  17. prorupit iuvenis seseque immiscuit armis
  18. iamque adsurgentis dextra plagamque ferentis
  19. Aeneae subiit mucronem ipsumque morando
  20. sustinuit. Socii magno clamore sequuntur,