Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. redde, oro, miseris iterumque revolvere casus
  2. da, pater, Iliacos Teucris.
  3. Tum regia Iuno
  4. acta furore gravi: Quid me alta silentia cogis
  5. rumpere et obductum verbis volgare dolorem?
  6. Aenean hominum quisquam divomque subegit
  7. bella sequi aut hostem regi se inferre Latino?
  8. Italiam petiit fatis auctoribus, esto,
  9. Cassandrae inpulsus furiis: num linquere castra
  10. hortati sumus aut vitam committere ventis?
  11. Num puero summam belli, num credere muros
  12. Tyrrhenamque fidem, aut gentis agitare quietas?
  13. Quis deus in fraudem, quae dura potentia nostra
  14. egit? Ubi hic Iuno demissave nubibus Iris?
  15. Indignum est Italos Troiam circumdare flammis
  16. nascentem et patria Turnum consistere terra,
  17. cui Pilumnus avus, cui diva Venilia mater:
  18. quid face Troianos atra vim ferre Latinis,
  19. arva aliena iugo premere atque avertere praedas?
  20. Quid soceros legere et gremiis abducere pactas,