Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. frangitur inque sinus scindit sese unda reductos.
  2. Hinc atque hinc vastae rupes geminique minantur
  3. in caelum scopuli, quorum sub vertice late
  4. aequora tuta silent; tum silvis scaena coruscis
  5. desuper horrentique atrum nemus imminet umbra.
  6. Fronte sub adversa scopulis pendentibus antrum,
  7. intus aquae dulces vivoque sedilia saxo,
  8. nympharum domus: hic fessas non vincula navis
  9. ulla tenent, unco non alligat ancora morsu.
  10. Huc septem Aeneas collectis navibus omni
  11. ex numero subit; ac magno telluris amore
  12. egressi optata potiuntur Troes harena,
  13. et sale tabentis artus in litore ponunt.
  14. Ac primum silici scintillam excudit Achates,
  15. succepitque ignem foliis, atque arida circum
  16. nutrimenta dedit, rapuitque in fomite flammam.
  17. Tum Cererem corruptam undis Cerealiaque arma
  18. expediunt fessi rerum, frugesque receptas
  19. et torrere parant flammis et frangere saxo.
  20. Aeneas scopulum interea conscendit, et omnem